Papa Francis kukutana na makadinali

Baba Mtakatifu Francis wa Kwanza anakutana na makadinali waliomchagua kama Papa wa kwanza kuwahi kuongoza kanisa Katoliki kutoka Amerika ya Kusini, wakati salamu za pongezi zikiendelea kumiminika kutoka kote ulimwenguni. Jorge (KHORGE) Mario Bergoglio wa Argentina ameanza siku yake ya kwanza kama Papa kwa kuhudhuria misa ya maombi katika kanisa la Santa Maria Maggiore (MAJIORE) mjini Roma. Kisha Papa huyo mpya akakwenda kuchukua mizigo yake kutoka chumba cha wageni katikati ya Roma, ambako aliishi kabla ya kuanza kikao cha faragha cha baraza la makadinali kupiga kura. Kisha anarudi tena katika kanisa dogo la Sistine, kukutana na makadinali wenzake waliomchagua. Miongoni mwa waliotuma salamu za pongezi ni Katibu Mkuu wa Umoja wa Mataifa Ban Ki Moon. Kesho Ijumaa atakutana na makadinali wote wa Kanisa Katoliki, ikiwa ni pamoja na wale wenye zaidi ya umri wa miaka 80.